Македонската кошаркарска федерација (МКФ) информира дека се пуштени во продажба влезниците за натпреварите кои и претстојат на репрезентацијата во квалификациите за евро-шампионатот.
- Влезниците за квалификациски натпревари кои се играат во салата Јасмин во Кавадарци на 31 август и 7 и 14 септември за пласман на Евробаскет 2017, од денеска се пуштени во продажба преку продажната мрежа на ТИКЕТ ПЛУС MK, соопштија од МКФ.
Цената на „Блок влезници“ за сите 3 натпревари е 250 денари. Блок картите се продаваат само во период од 26-30 август 2016.
Цена на влезница за еден натпревар изнесува 100 денари.
Термини на одигрување на натпреварите во спортска сала „Јасмин“ во Кавадарци:
31 август 20:30 часот Македонија – Луксембург;
7 септември 20:30 часот Македонија – Унгарија;
14 септември 19 часот Македонија – Велика Британија.