Продолжува заложбата на раководството на Македонската кошаркарска федерација и Управниот одбор за континуиран настап на нашите млади селекции на Европските првенства. Секако се со цел за што подобар напредок и усовршување на нашите млади кошаркари и кошаркарки во натпреварите против квалитетните противници.
Поради тоа и годинава МКФ одлучи пет млади селекции на Македонија да учествуваат на Европските шампионати во 2017 година, а репрезентациите до 14 години во машка и женска конкуренција да настапат на „Словениа Бол“.
Машката селекција до 20 години е пријавена за Европското Првенство дивизија Б кое ќе се игра следната година од 15-23 јули.
Нашата јуниорска селекција за кошаркари до 18 години (У-18) ќе биде дел од ЕП дивизија Б од 29 јули до 6 август.
Нивите врснички, женската селекција (У-18) на Македонија до 18 години ќе игра на ЕП Дивизија Б од 5 до 13 август.
На континеталните шампионати ќе учествуваат и македонските национални тимови за кошаркари и кошаркарки до 16 години.
Кадетите (У-16) на ЕП Дивизија Б од 11 до 19 август, додека пак кадетките (У-16) на ЕП Дивизија Б од 18 до 26 август.
Освен нив, на меѓународната сцена ќе настапат и македонските репрезентации во машка и женска конкуренција до 14 години. Нашите најмлади селекции и во 2017 ќе бидат дел од силниот меѓународен турнир „Словениа бол“ во Словењ Градец, а е под покровителство на ФИБА