Кошаркарите на Карпош Соколи досега се немаат израдувано на победа во регионалната АБА лига. Шансата за прв триумф по седумте порази, составот на Карпош Соколи ќе ја бара во денешниот дуел против ФМП во Белград. По промената на тренерското мести и доаѓањето на Драган Николиќ на кормилото на „соколите“ во тимот од Карпош се надеваат дека конечно за екипата ќе претстои период на подобри резултати.
Дуелот од 8.коло во АБА лигата меѓу ФМП и Карпош Соколи ќе се игра вечер од 18 часот, а три часа подоцна, во последниот меч од оваа рунда ќе играат големите белградски ривали Црвена звезда и Партизан.