Македонскиот центар Перо Антиќ не беше во составот на Фенербахче на синоќешниот натпревар од Евролигата против Реал Мадрид кој турскиот тим го доби со минимални 78:77, и така ја продолжи победничката серија во дуелите со „Кралскиот клуб“. Информациите од Турција говорат дека Антиќ веќе неколку дена е болен, и тоа е причина што не беше во тимот на овој неизвесен дерби натпревар од 10. коло во најсилното клупско натпреварување во Европа.
Џејмс Нанали со 18 поени, од кои и победничкото слободно фрлање во финишот, беше најефикасен кај Фенер, радувајќи ги оние 12.376 гледачи на трибините.