Победи на Фени Индустрим, Кожув и Пелистер во премиерните средби во 2017 година во Првата македонска кошаркарска лига.
Фени Индустри беше убедлив на гостувањет кај АВ Охрид и славеше со 83-62.Во отсуство на капитенот Кире Николовски , Чешковиќ и Џекиќ со 21 односно 14 поени го водеа Фени до 8 победа во домашниот шампионат со која се искачи на првата позиција на табелата , на која ќе го очекува дуелот во среда меѓу досегашниот лидер Работнички и Струмица.
На дербито во Гевгелија, домашниот Кожув во последните четири дена ја запиша и втората победа над Куманово. Гевгеличани со 80:69 го добија вицешампионот и направија голем исчекор кон посакуваниот пласман на едно од првите четири места на табелата кои водат во Супер лигата.
На дуелот меѓу екипите од долниот дел на табелата Пелистер како домаќин во Кавадарци славешепобеда над младиот тим на Вардар со 69-57. Голубовиќ и Давков со по 20 коша беа најефикасните кошаркари во победничкиот состав и воедно на мечот.
Деветтото коло ќе се комплетира на 25 јануари со натпреварот Работнички – Струмица.
Табела: Фени Индустри 17 бода, Работнички 15, Куманово 15, Кожув 14, Пелистер 13, Струмица 11, Охрид 11, Вардар 9.