Кошаркарот на Голден Стејт, Дрејмонд Грин се запиша во историјата на НБА лигата како прв кошаркар кој остварил „трипл-дабл“ учинок со помалку од 10 постигнати поени.
Крилото на „Вориорс“ ноќеска во победата над Мемфис (122:107) имаше троен ефект од 12 скока, 10 асистенции и 10 украдени топки. Покрај неговото име беа запишани и четири поени и пет блокади.
За Голден Стејт ова беше вкупно 45.победа сезонава и тие се со најдобар ефект во досегашниот дел од НБА лигата.