Македонскиот тим на гостувањето кај Цедевита е поразен со 81-77 во рамките на 24. коло во АБА-лигата.
Карпош Соколи на гостувањето кај Цедевита беше поразен со 81-77 (14-20, 22-19, 25-20, 20-18) и покрај тоа што до 28. минута имаше водство. Лабовиќ со 27 поени беше најефикасен, зад него беа Мавра со 18 поени и Трајковски со дабл-дабл од 14 поени и 11 скока. По одличната игра во првото полувреме, македонскиот тим падна кон средината на третата четвртина кога на противникот му дозволи да направи серија од 9-0 и да поведе со 59-56, а потоа во последните 10. минути целосно да го превеземе водството.
Карпош Соколи имаше шанси во финишот, се доближи на 76-75, а потоа 78-77. Но, Крушлин погоди тројка за 81-77. Трајковски промаши, а потоа Пери изгуби топка. Тука беше крајот на мечот.