Скопје, 22 април 2017 (МИА) – Дерби дуелот на осмото коло од кошаркарската Супер лига ќе се одигра попладнево во салата „Градски парк“ во Скопје, а ќе играат Работнички и МЗТ Скопје Аеродром.
Првакот МЗТ Скопје е единствениот непоразен тим во лигата, но го чека гостување на „жешкиот терен“ против големиот ривал. Почетокот на дуелот е во 18 часот.
Во истиот термин се играат и другите два дуела од оваа рунда. Во Кавадарци, Фени Индустри го пречекува Кожув, а во СЦ „Борис Трајковски“ Карпош Соколи е домаќин на Куманово.
Табела: МЗТ Скопје А. 14 бодови, Карпош Соколи 12, Работнички 11, Кожув 9, Куманово 9, Фени Индустри 8