Еден од најдобрите клубови во НБА лигата, Кливленд Кавелирс може да остане без победничкиот сјај кој го красеше во последниве сезони. Тимот кој во последените три сезони играше во финалето на НБА лигата, може да остане без еден од своите најдобри играчи.
Бекот Кајл Ирвин побара да си замине од клубот и тоа затоа што веќе не сака да игра во ист тим со Леброн Џејмс. Според најавите од НБА лигата, Ирвин, веќе неколку дена настојува да си замине од Кливленд, а тоа го знае и газдата на клубот, Ден Гилберт.
Ирвин сака да игра во тим во кој ќе биде централна фигура, а во Кливленд колку и да игра сјајно ќе остане во сенка на Џејмс. Минатата сезона тој имаше просек од 21,6 поени, 5,8 асистенции, 3,2 скока и 1,2 украдени топки по меч. Имаше шут од поле од 47 отсто прецизност.
Засега не се знае тимот во кој Ирвин би ја продолжил кариерата.