Македонската кошаркарска федерација се избори да има ТВ-пренос од двата гостински натпревари на Македонија во претквалификациите за Светскиот Куп 2019 година.
За дуелот меѓу Косово и Македонија, кој е прв во претквалификациите за Светското првенство 2019 година, сепак ќе има ТВ-пренос.
„Македонската кошаркарска федерација заедно со спортската редакција при националниот телевизиски сервис (МРТ) успеа да изврши доволен притисок за да обезбеди сигнал за пренос на натпреварите кои нашата сениорска репрезентација ќе ги одигра на гостински терен во рамки на претквалификациите за Светското првенство 2019 година.
Нашите сениори ќе одиграат четири натпревари, два на гостински терен, два на домашен, а сите ќе можат да се проследат на првиот програмски сервис при националната телевизија (МРТ)“, се вели во соопштението на официјалната страница на МКФ.
Првиот натпревар го играме веќе утре на гостински терен против Косово. Натпреварот ќе започне во 20:15 часот.