Македонската кадетска репрезентација во машка конкуренција на 15.место го заврши настапот на кошаркарското Европското првенство (дивизија Б).
Во рамки на групната фаза „црвено-жолтите“ беа сместени во групата Д каде запишаа две победи, над Косово (61-64) и над Луксембург (71-75) и три пораза, од Грузија (53-88), од Велика Британија (94-52) и од Португалија (46-55) со кои завршија како четврто пласирани што значеше борба за пласман од деветтото до шеснаесеттото место.
Поразот од Босна и Херцеговина (82-67) ја однесе Македонија во битка за пласман во долниот дел односно од 13. до 16. место. Следеше тесен пораз од Исланд со 70-66 кој значеше борба за 15. односно 16. место на првенството.
Финалната битка против Португалија македонските кадети ја добија со 50-56 и го завршија настапот како 15. пласирана селекција во втората дивизија во оваа возрасна категорија.