Кошаркарот на Кливленд Кавалирс, Леброн Џејмс често пати говори за расните тензии во американското општество и често се залага за еднаквост меѓу луѓето со различна боја на кожата, етнички групи и религии.
Овој пат НБА ѕвездата одлучи да ги промовира своите ставови преку патиките, така што тој на дуелот со Вашингтон одигран ноќеска истрча во патики со различни бои (црна и бела), симболизирајќи ги различните бои на кожата.
На неговите патики јасно беше видлив зборот „еднаквост“.
Леброн со трипл-дабл ефект – 20 поени, 15 скока и 12 асистенции го предводеше својот Кливленд Кавалиерс до нова победа (106:99).