Лукајиќ: Има подобрување, но ни треба уште време

Тренерот на МЗТ Скопје Аеродром, Жељко Лукајиќ, гледа напредок во играта на неговиот тим, посебно во одбраната, но побара уште време за достигнување на посакуваното ниво.

-Да се изгуби со голема разлика, а да не се каже дека си премногу разочаран, мислам дека говорам искрено. Ѕвезда е сепак тим кој игра и во Евролигата. Ние сме се уште во фаза на прифаќање на некои работи, филозофија и останато. Има подобрување во одбраната, ама нападот уште ни е проблем, посебно кога противникот е агресивен. Немаме течност во нападите, навремени додавања,.... Од друга страна и ростерот ни е скратен, ама полека растеме и очекувам подобри резултати, изјави Лукајиќ на прес-конференцијата по синоќешниот пораз од Црвена ѕвезда.