Повратникот во МЗТ Скопје Аеродром, Стефан Синовец попладне од 18 часот против Кожув во малата сала „Јане Сандански“, ќе го има четвртото деби во сино-белиот дрес, откако вчера потпиша договор со македонскиот шампион до крајот на сезоната.
- Среќен сум што се вратив во МЗТ Скопје, клуб кој за мене е буквално втор дом во кој претходно минав три прекрасни години. Пред нас е обврската наречена домашно првенство и ќе сторам се за да го одбраниме шампионскиот трофеј. Имам три пехари од првенството, а сигурен сум дека на крајот од првенството таа моја колекција ќе се зголеми на четири трофеи. Не знам дали сум магнет, али знам дека ќе направам се што можам да им овозможам нова радост на навивачите на клубот кој го сметам за мој, вели Србинот за веб страната на МЗТ.
Старо новиот кошаркар на МЗТ Скопје Аеродром сезонава во АБА-лигата настапуваше за Мега и имаше просек од 9,4 поени, 4,5 скока и 3,1 асистенции.