Еден од најдобрите тенисери во светот, Новак Ѓоковиќ длабоко жали за смртта на Коби Брајант и неговата ќерка.
– Моето срце искрено жали. Коби беше мојот ментор и пријател. Зборовите не можат да го изразат најдлабокото сочувство до семејството Брајант и до сите оние што страдаат заради оваа трагедија. Почивај во мир пријателе, напиша Ѓоковиќ на социјалните мрежи.
My heart truly mourns over the news today. Kobe was a great mentor and friend. There are not enough words to express my deepest sympathies to the Bryants and every family suffering from this tragedy. May God bless you and your Gianna. Thank you for being there for me and inspiring the entire world. Thank you for showing all of us athletes how to compete and respect sport. Thank you for the greatest legacy you leave behind with us. I’ll never forget your smile spreading positive energy everywhere you went. You and your daughter will live forever ♾ in our hearts ❤️. RIP amico mio. Ti voglio bene.
A post shared by Novak Djokovic (@djokernole) on
Неколку дена пред катастрофата, српскиот тенисер даде интервју за ЕСПН, во кое зборуваше за неговата врска со Брајант.
– Коби е еден од моите ментори. Со него неколкупати разговарав по телефон и, се разбира, кога лично се сретнавме. Кога имав повреда на лактот и психолошки и емотивно не можев да се справам со тоа што се случува, со пад на оценката и потребата да ја повратам мојата позиција, тој беше еден од оние што ми дадоа многу вреден совет за тоа како да верувам во себе. Јас сум многу благодарен за неговата поддршка. Го сакам Коби – а кој не? Тој е неверојатен човек и еден од најдобрите кошаркари и спортисти во историјата, изјави тогаш Ѓоковиќ.
Брајант и неговата 13-годишна ќерка Џиана, загинаа во хеликоптерска несреќа во Калифорнија. Во урнатиот хеликоптер животот го загубија вкупно девет лица.