Македонскиот кошаркарски шампион, МЗТ ја забележа четвртата победа во АБА лигата откако во натпреварот од во 8-то колo кој се одигра во Салата Борис Трајковски jа совлада екипата на Цедевита со резултат 74-61.
Во првата четвртина МЗТ по пет минути од истекот на натпреварот имаше водство од 12-0, но гостите до крајот на четвртината се доближија на 17-15. Во втората четвртина тимот предводен од Божидар Маљковиќ постигна само 10 коша и на полувреме се замина со резултат 40-26. Следеа две тројки од Дамјан Стојановски и една од Тодор Гечевски и на три минути пред истекот на третата четвртина резултатот гласеше 54-39.
Последната четвртина ја одбележаа двете тројки од Стојановски и Чековски кои придонесоа за резултат 63-52 на семафорот, а подоцна спектакуларно забивање имаше и Кејд Дејвис кој само го зголеми резултатот на 69-55. Конечниот резултат во салата Борис Трајковски гласеше 74- 61 за МЗТ.
Најефикасен во тимот на Алеш Пипан беше Тодор Гечевски кој постигна 20 коша за веднаш зад него на листата се запиша и Дамјан Стојановски со 17. Следен противник на МЗТ е екипата на Игокеа, следната сабота на гостински терен.