НБА лигата го откажа денешниот натпревар помеѓу Бостон Селтикс и Индијана Пејсерс кој требаше да се одигра во TD Garden арената во Бостон.
Причината за укинувањето на натпреварот е серијата на експлозии кои се случија за време на одржувањето на вчерашниот маратон во Бостон.
Натпреварот нема да се одигра, бидејќи нема да биде од никакво значење за пласманот на двата тима. Пејсерс се наоѓаат на третата позиција во Источната конференција, а Селтикс на седмата. Регуларниот дел од сезоната во НБА лигата завршува во среда.
-Испраќаме најискрено сочувство до лицата кои беа дел од оваа трагедија во Бостон. Целиот тим ги поздравува херојските напори на цивилите, полицијата и медицинскиот персонал во градот за одговорот во оваа трагедија, стоеше во соопштението на Бостон Селтикс.