Македонскиот интернационалец, Перо Антиќ ја сподели првата фотографија во седиштето на својот нов клуб Атланта Хоукс, преку апликацијата Instagram. Двократниот шампион во Евролигата денес се очекува да потпише договор на 1+1 година со НБА клубот од Атланта, а според Twitter профилот на неговиот менаџер, би требало да се врати во Европа во петок.
Перо Антиќ со тоа стана првиот Македонец кој ќе настапува во најсилната светска лига во светот, НБА, а деталите околу неговиот трансфер и официјалната промоција во новиот дрес допрва ќе се очекуваат.