Вечерва и официјално Македонија го има својот прв кошаркар во најсилната кошаркарска лига во светот, НБА.
„ The Hawks announced the signing of 6’11″ Republic of Macedonia center Pero Antić Thursday, adding to what is becoming a crowded frontcourt.“ – пишува на официјалниот сајт.
Нашиот капитен Перо Анриќ, за кој објавивме уште вчера дека се наоѓа во САД за да ги договори деталите од договорот со тимот Атланта Хоукс, вечерва го оствари својот сон и потпиша договор со популарните јастреби.
Пред само неколку минути на официјалната страница на Атланта Хоукс излезе соопштението дека Антиќ станува највисокиот играч во нивната екипа и дека ќе игра како резервен центар, или пак како високо крило.
- Перо е сестран висок играч кој ќе ни даде дополнителен квалитет во нашиот рекет. Тој се вклопува одлично во она што ние како организација сакаме да го изградиме тука и возбудени сме што тој од денеска е наш играч - изјави генералниот менаџер на Хоукс, Дени Фери.
Двократниот шампион во Евролигата потпипа договор на 1+1 година со НБА клубот од Атланта, но финансиските детали не се откриени.
Останува само да му честитаме на Перо за тоа што е еден од најголемите амбасадори на нашата држава во светот и да навиваме за Атланта Хоукс.