Екипата на нашиот Перо Антиќ, Атланта го претрпе и четвртиот пораз откако ноќеска пред своите навивачи во „Филипс Арена“ загуби од Њујорк со 95:91 (29:24;26:21; 10:23; 30:23). Антиќ на теренот мина нецели 13 минути (12:55) и постигна 4 поени со 5 скокови и 2 асистенции.
Натпреварот беше решен во последната четвртина која гостите ја добија со 30:23, за разлика од Атланта која во третиот период беше доминантна и успеа да дојде до предност во тој дел од играта.
Најдобри во редовите на победникот беа: Кармело Ентони со 25 поени и Андреа Барњани – 20 поени и 11 скокови, додека кај Атланта – Џеф Тиг со 25 поени и Ал Хорфорд со 23.
Атланта и следниот натпревар го игра на домашен терен со Филаделфија во петок навечер.
На другите дуели беа постигнати следниве резултати: Орландо – Милвоки 94:91, Филаделфија – Хјустон 123:117 (продолжение), Бостон – Шарлот 83:89, Мемфис – Торонто 87:103, Минесота – Кливленд 124:95, Сан Антонио – Вашингтон 92:79, Денвер – ЛА Лејкерс 111:99, Јута – Њу Орлеанс 111:105, Портланд – Феникс 90:89, Сакраменто – Бруклин 107:86 и ЛА Клиперс – Оклахома Сити 111:103.
Вечерва се играат само два натпревара: Њујорк – Хјустон и Голден Стејт – Оклахома Сити.