Вашингтон, 21 април 2014 (МИА) - На четирите одиграни натпревари ноќеска во НБА лигата (плеј оф) по две победи постигнаа домашните екипи и гостинските екипи.
Ланските финалисти (Мајами и Сан Антонио) пред своите навивачи остварија триумфи за водство од 1-0 во победи.
Шампионот Мајами беше поуспешен од Шарлот со 99:88, додека финалистот и екипата со најдобар скор сезонава Сан Антонио го победи Далас со 90:85.
Победи на гости постигнаа Портланд и Вашингтон. Портланд по продолжение го победи Хјусон 122:120, додека Вашингтон беше поуспешен од Чикаго со 102:93.
Вечерва се играат само два натпревара меѓу Оклахома Сити - Мемфис и ЛА Клиперс - Голден Стејт.