Како што и се очекуваше, Карлос Бузер повеќе не е дел од тимот на Чикаго Булс. Најавен како „вишок“ за следната сезона, Бузер ја доби најавуваната „амнестија“, која може да ја користи секој клуб во НБА лигата, и со одредена сума на долари го испрати на паркетот.
А таму веќе со „раширени раце“ го чекаат неколку клубови. Во преден план, како што најавуваат медиумите во Америка се два. Еден од нив е Атланта Хоукс на нашиот Перо Антиќ, а другиот Шарлот.
Но и двата не можат да му понудат повеќе од два милиони долари во оној ограничен финансиски „простор“, што не е гаранција за дефинитивен трансфер.
Но во секој случај ќе биде доста интересно доколку Атланта ги спои Перо Антиќ и Карлос Бузер, два скоро идентични лика, како во конституцијата и изгледот, така и во играчките позиции во тимот, повторно скоро исти, во секој поглед.