Сан Антонио Спарс објави дека го ангажирал Еторе Месина како асистент тренер. Четирикратниот освојувач на Евролигата и двократниот тренер на годината во Евролигата, со 25 годишно работно искуство во Европа, конечно ќе има што да покаже и преку Атлантикот.
„Почестен сум што еден таков индивидуалец ќе му се придружи на нашиот тим. Тренерот Месина е голем лидер, исклучителен стратег, и човек од кој може да се научи многу“- го поздрави потегот на раководството на Спарс лично и првиот тренер, Грег Попович.
Претходно, Месина беше во НБА, но како советник во екипата на ЛА Лејкерс, а последните две години ги „потроши“ и тоа неуспешно, на клупата на московска ЦСКА.
Месина е вториот голем „европски тренер“ кој ова лето доаѓа во САД, и во најсилната лига на светот. Претходно Дејвид Блат ја доби довербата да ги води Кливленд Кавалирс, сега посилни и за најдобриот, Леброн Џејмс.