Озборувања или не, сеедно, но Ла Лејкерс наскоро би можеле да се појават на маркетот во НБА лигата и во една вистинска смисла на зборот. Односно конечно да купат или донесат некој квалитетен играч кој би важел како вистинско засилување за тимот.
Бекот на Феникс Санс, Ерик Бледшо би можел да биде новиот лик кај „езерџиите“, но под претпоставка да се остави планираната размена. Онаа во која овие два клуба би вклучиле неколку играчи.
Неофицијално, Лејкерси се подготвени да ги ослободат од понатамошните обврски Џулиус Рендл (новакот од Кентаки) и Џордан Хил, (само што го обнови договорот) во размена за Ерик Бледшо, кој во моментов е трет разигрувач во тимот од Аризона (по Горан Драгич и новакот Ајзеја Томас).
Во овие летни денови, 24 годишниот Бледшо побара петгодишен договор од Санс, вреден 80 милиони долари, кој лесно може да биде одбиен. Псебно што Драгич и Томас се сосема доволни за оваа позиција во тимот на Феникс, кој, пак, во спротивна насока, би ги добил двете крила на тимот од ЛА.