Миротиќ е најплатениот „евро-руки“ во историјата

Иако не одигра ниту еден натпревар досега за својот нов клуб Чикаго Булс, Црногорецот со шпански пасош Никола Миротиќ веќе оствари една „победа“.

Со потписот на тригодишниот договор со „биковите“, практично стана најскапиот Европеец кој се води како „дебитант“, или како што велат Американците, „руки“ во НБА лигата.

Неговите 5.305.000 долари се поголеми од оние 4.501.000 долари кои ги има Италијанецот Андреа Барњани, додека пак трет на една таква листа е Турчинот Енес Кантер, кој во првата година до договорот со Јута Џез доби 4.133.280 долари.

Уште еден Црногорец е на четвртата позиција. Секако, станува збор за Никола Пековиќ, кој инкасира точно 4.000.000 долари, а првата петорка ја затвора Шарунас Јасикевичиус, кој ја доби истата сума од Индијана Пејсерс.