НБА клубот Атланта Хоукс, денес преку социјалната мрежа Facebook јавно до сите фанови му го честиташе 32-от роденден на македонскиот кошаркар и член на Хоукс, Перо Антиќ.
Антиќ кој воедно е првиот Македонец во НБА-лигата, ќе остане кошаркар на Атланта хокс и следната сезона, а во новата сезона ќе заработи 1,25 милион долари, што е за 50.000 долари повеќе од лани.
Минатото лето македонскиот играч и клубот потпишаа договор на 1+1 година, и според тој договор, втората сезона беше условна.