Јуниорската кошаркарска репрезентација на Македонија која учествува на „Б “ Европското првенство во Бугарија денеска има слободен ден.
По вчерашната победа над Австрија со 60:52 избраниците на селекторот Мирза Куртовиќ во деновите од викендот ќе разигруваат за пласман од 13 до 16.место. Прв ривал утре во терминот од 15 часот ќе ни биде домаќинот Бугарија, додека претходно ќе играат Холандија и Австрија.
Во зависност од исходот, доколку победиме во недела ќе играме со победникот од тој дуел, а ако изгубиме со поразениот од истиот натпревар.
Во борба за пласман на првите три места и пласман во „А“ дивизијата ќе разигруваат селекциите на: Украина, Финска, Германија и Шведска. Полуфиналните двојки се: Украина – Финска и Германија – Шведска.