Интересна информација извадија неофицијални извори кои се блиску или во НБА лигата, а е поврзана со тоа кои се најдоброплатените кошаркари кои ќе ја отворат новата сезона 2014/2015.
И иако многумина помислија дека првата позиција е практично резервирана за Леброн Џејмс, истите тие, во најмала рака, се излажаа.
Пред се затоа што според оние официјални бројки, најголема плата во слдната година од НБА лигата, има неговиот најголем конкурент во трката за најдобар играч, Коби Брајант.
Звездата на ЛА Лејкерс, кој лани поради повреда и операција пропушти најголем дел од сезоната, сеуште има најдобри цифри на банкарската сметка.
Согласно со новиот договор кој го доби од страна на „езерџиите“, во сезоната пред нас ќе може да смета на 23.5 милиони долари. Или разделено на помали единици, Кобе ќе „лапа“ по 54 долари во минута, 3.263 долари на час, или 78.333 долари на ден...
За да биде ситуацијата уште поинтересна, „Кралот Џејмс“ не е ниту во првата „петорка“ на НБА богаташите.
Пред се затоа што веднаш по договор на Брајант, следува оној на Амаре Стадемаер од Њујорк (23.4 милиони долари), па на Џон Џонсон од Бруклин кој ќе добива 23.1 милиони, а подобри договори од Џејмс има уште едне играч на Њујкорк Никс, секако, Кармело Ентони (22.4), како и Двајт Хауард од Хјустон (21.4 милион).
Инаку, официјалната плата на Леброн Џејмс изнесува точно 20.644.400 долари, го става дури на шестата позиција во ова рангирање.