Тимот на Кливленд Кавалирс успеа со резултат 122-119 да триумфира против Мајами Хит во пријателскиот пред-сезонски натпревар кој викендов се одигра во Рио де Жанерио.
Леброн Џејмс по враќањето во Кливленд летово, играше за прв пат против својот поранешен тим во пријателскиот натпревар во Рио, и во 20 минути на паркетот постигна само 7 коша, а имаше и 8 асистенции.
Кевин Лов беше најефикасен во тимот на Кливленд со 25 коша, додека пак кај Хит, тоа беше Шабаз Напиер со 16 поени.
Сепак, според пишувањето на американските медиуми, ѕвездата на Кливленд не беше еден од најочекуваните кошаркари на паркетот во HSBC арената. Тоа беше Андерсон Варежао, 32-годишниот кошаркар на Кавс кој заминал од родниот Бразил да игра во најпрестижната лига во светот, а веќе 10 години е дел од Кливленд.
Погледнете.