„Одбраната во последната четвртина ни ја донесе победата. Нападот не може да се поправи за само два дена. Не видов акција по договор, но немавме работено напади против зонска одбрана и затоа мислам дека тренерот на Солнок направи добра тактичка работа со тоа што реши против нас да се брани со зона. Сепак, играчите ја даваа потребната енергија во одбраната.
Не требаше многу детали да се исправат, туку само да се поправи атмосферата и мислам дека успеавме. Играчите се бодреа меѓусебно, тоа е нешто што фалеше во изминатиот период, а и навивачите го сакаа ова. Ако ја разбирате кошарката, тогаш таа е едноставна. И оние играчи со помала минутажа покажаа дека имаат квалитет и заслужуваат шанса, а од навивачите бараме да продолжат да нè поддржуваат“.