Дерби натпреварот од 4 - то коло на првата кошаркарска лига меѓу МЗТ-Скопје и Работнички е прекинат.
Иако тоа требаше да биде празник на кошарката во салата „Парк“ во Скопје во која присуствуваа речиси 2.000 гледачи, сепак неспортското однесување е причината за прекин на натпреварот.
Откако судијската тројка се врати на теренот, а домаќините не се појавија во определеното време, натпреварот не се доигра.
Во 27-та минута од натпреварот од 51:35 водство на „Работнички“ судијската тројка реши да го прекине натпреварот и да побара делот од публиката каде се наоѓаа „Сити парк бојси“ да ја напуштат салата. По 20-ина минути и домашните кошаркари решија да го напуштат теренот.
Останува да видиме како македонската Кошаркарска федерација ќе го разереши случајот.