Алеш Пипан повторно во Скопје, и уште еднаш како кормилар на екипата на МЗТ Скопје. Како што најави и „Македонски спорт“, довчерашниот тренер на Унион Олимпија, претходно и на нашиот национален тим, се појави на синоќешниот тренинг на „сино-белите“одржан во малата сала на СЦ „Јане Сандански“.
А искусниот Словенец, кој повторно ќе соработува со Александар Јончевски, сега и со Влатко Мирковски, немаше многу простор за задоволство. Пред сè откако на клупата за резервни играчи виде неколку играчи, како Класен, Николовски, Стојановски, Младеновски и Марковски, кои поради различни причини-повреди, се надвор од комбинација во овој период од сезоната.