Од денеска, 4 март, и официјално стартува продажбата на влезните билети за она што се нарекува Евробаскет, или дел од овој голем настан поставен во Загреб, каде ќе се игра една од четирите квалификациски групи.
Посебно интересно и за македонската „фаланга“, која во периодот до 12 април ќе може да купи дел од „пакет-билетите“, кои вклучуваат пет билети за средбите на нашиот национален тим.
За да дојдат и да ги бодрат „црвено-жолтите“ на мечевите со своите големи противници како Грција, Словенија, Грузија, Холандија и домашната Хрватска, а во зависност од позицијата во „Арената“ во Загреб, ќе треба да одвојат од 55 до 170 евра.
Доколку не го направат тоа во оваа „прва тура“, во вториот обид ќе имаат можност да дојдат до оние поединечни билети, кои би ги чинеле од 12 до 35 евра. Но, прашање е колку такви билети и ќе останат ако се знае за огромниот интерес кој владее посебно во Хрватска и соедната Словенија од каде веќе најавуваат присуство на дваесетина илјади фанови на популарните „змејови“.