Најдобрите екипи од двете конференции од регуларниот дел од сезоната Атланта (Исток) и Голден Стејт (Запад) ноќеска со победите на гости изедначија на 2:2 во добиени натпревари против Вашингтон односно Мемфис во рамките на полуфиналните дуели од плеј офот.
Атланта го совлада Вашингтон со 106:101, пред се благодарение на добрата игра на Џеф Тиг, кој постигна 26 поени и на Пол Милсап, кој реализираше 19 поени. Перо Антиќ постигна 7 поени. Голден Стејт го победи Мемфис со 101:84, а најдобар на теренот беше МВП играчот на сезоната Стеф Кари, кој постигна 33 поени.
Вечерва се играат дуелите: Кливленд – Чикаго (2-2 во победи) и Хјустон – ЛА Клиперс (1-3 во победи).