Првиот и еденствен засега Македонски кошаркар во НБА, Перо Антиќ, со неговата Атланта се пласираа во финалето на Источната конференција. Тие во шестиот натпревар на гостински терен славеа против Вашингтон со 91-94, за вкупна победа од 4-2. Како и што се очекуваше, во финалето „јастребите“ сега ги очекува историска пресметка со Кливленд и „кралот“ Леброн Џејмс.
Атланта до победата беше предводена од триото Керол-Милсап-Тиг кое вкупно постигна 65 поени. Керол заврши со 25 поени, додека Милсап и Тиг со по 20 поени. Перо Антиќ мина околу пет минути на паркетот, без поени, притоа запишувајќи само три офанзивни скока зад своето име.
Во вториот натпревар од полуфиналето на плејофот во НБА, Голден Стејт Вориорс ги победи Мемфис Гризлис со 105-98 и со тоа си обезбеди финале на Западната конференција.