Селтик со победа од 2-1 над Барселона во четвртото коло од ЛШ, го прослави 125-от роденден на клубот.
Виктор Ванјама во 21-та минута го отвори резултатот за Селтик, а на 2-0 зголеми осумнаесетгодишниот Тони Ват во 83-та минута од натпреварот, кој претходно влезе како замена од клупата на Нил Ленон.
Поразот пред истекот на натпреварот го ублажи Лионел Меси кој погоди за 2-1 на Селтик Парк стадионот во Глазгов.
Барселона и покрај поразот, остана на врвот од групата Г со 9 бода, а Селтик на втората позиција со 7 освоени бода, пред Бенфика со 4 и Спартак Москва со 3.
Присутен на трибините беше и пејачот Род Стјуарт кој е доживотен фан на Селтик, а кој не можеше да ги скрие солзите по победата на неговиот тим.
Во следното коло Барселона ќе игра повторно на гостински терен, против тимот на Спартак Москва а Бенфика ќе го пречека Селтик.