Менаџерот на Челзи, Жозе Мурињо не можеше да ја сокрие радоста по постигнатиот гол на Демба Ба во 88-та минута на Стемфорд Бриџ. Голот на Демба ги елиминира ПСЖ иако вкупниот резултат по двата натпревари во четврт- финалето гласеше 3-3, „сините“ од Лондон се пласираа во полу-финалето од ЛШ на правилото гол постигнат на гостински терен.
Избраниците на Мурињо ги постигнаа двата гола синоќа на Стемфорд Бриџ (еден во првото а другиот во второто полувреме), преку играчи кои влегоа како замени.
Андре Шурле погоди за водство на Челзи во 32-та минута, десетина минути откако тој влезе во игра на местото на Еден Азард, додека пак Демба Ба кој погоди во второто полувреме исто така влезе во игра од клупата во 66-та минута.
Сепак, Мурињо во негов препознатлив стил, по натпреварот изјави за медиумите дека тој не славел со играчие, туку истрчал до нив да им каже што следно да прават, до крајот на натпреварот.
Последната ждрепка на сезоната во ЛШ ќе се одржи на 11-ти април, а финалето ќе се одигра на „стадионот на светлината“ во Лисабон.
Погледнете го славјето на Мурињо.