Најдобриот македонски автомобилист Игор Стефановски Иџе продолжува со успешните настапи, откако вчера попладнето победи на патеката Глазбах во Германија, на трка од Европскиот шампионат во ридски патеки.
По првото возење Македонецот имаше време 2.35,466 минути со кое постави рекорд на патеката.
Стефановски втората трка ја извози со време 2.37,149 минути доволно за убедлива победа пред чешкиот возач Јири Лос и неговиот сонародник Мартин Херман.
По вчерашната победа Иџе се зацврсти на првото место во пласманот и е на најдобар пат да ја одбрани титулата во Европскиот куп.