Повеќе години во Формула 1 „автократски“ владееја Берни Еклстоун, носителот на комерцијалните права и претседателот на ФИА, Макс Мозли. Меѓутоа, сега на чело на ФИА е Жан Тод, човек кој повеќе сака компромиси, и 84-годишниот Еклстоун вели дека тоа не е најдобро.
Проблемот со сегашната Формула 1 е во тоа што е премногу демократска. А како што знаете, јас сум против демократијата. Сега е тешко сите да се задоволни и затоа добивме спорт кој е премногу клинички чист. Спортот треба да се врати кај возачите, вели Еклстоун.
Запрашан дали би го сакал повторно Мозли како партнер, Еклстоун не се двоумеше.
-Би било прекрасно да го имаме Макс со нас. Мислам дека повеќето во Ф1 мислат така, вели Еклстоун.
Тој оцени дека Ф1 имаше „среќа“ на Унгарското ГП каде што имаше фантастична трка, која дојде по уште една добра трка во Силверстоун.
-Унгарија беше многу добра трка, публиката беше одлична, тука беше семејството на Бјанки... Имавме среќа. Но, немаме доволно такви трки, вели Еклстоун.