Шефот на Ферари, Маурицио Аривабене, вели дека жалењето на Кими Раиконен на Сингапур ГП трката ја покажува разликата помеѓу Финецот и неговиот колега, победникот на трката Себастијан Фетел. Германецот стигна до третата победа за Ферари во 2015 година со фантастична трка, додека Раиконен на крајот беше на третото место, по што изјави дека се мачел со гумите, додека Аривабене вели дека се работи за поинаков пристап.
„Кими секогаш се жали! Не, немаше никаков проблем. Тоа беа коментарите кога го поставуваат сет-апот на болидот, разликата е во тоа што Себ е тивок, додека Кими вреска. Ништо посебно“, вели Аривабене.
Пред стартот на сезоната, Аривабене изјави дека ќе трча 100 километри во ридовите околу Маранело без патики доколку Ферари победи на барем четири трки оваа сезона.
„Не реков повеќе од четри, туку четири. Затоа би сакал да победиме на пет трки оваа сезона“, додава Италијанецот.