Валенсија, 8 ноември 2015 (МИА) – Возачот на Јамаха Хорхе Лоренцо од Шпанија ја освои титулата во Мото ГП класата откако денеска победи на последната трка од шампионатот што се возеше за Големата награда на Валенсија.
Ова за Лоренцо е петта титула вкупно, а трета во оваа класа откако претходно во два наврати беше светски првак и во класата до 250 кубика. Лоренцо по пауза од три години стана светски шампион.
На последната трка Шпанецот победи, а место на пиедесталот обезбедија уште Марк Маркес и Дени Педроса.
Конкурентот за титулата и лидер во генаралниот пласман до оваа трка Валентино Роси го освои четвртото место и со тоа остана без шампионската титула.
Конечен пласман: Хорхе Лоренцо (Јамаха) 330 бодови, Валентино Роси (Јамаха) 325, Марк Маркез (Хонда) 242, Дени Педроса (Хонда) 206,...