Светскиот шампион Луис Хамилтон ќе се трка на Бразилското ГП и покрај тоа што мораше да го одложи патот до претпоследната трка на Ф1 календарот, објавија од неговиот тим, Мерцедес. Британецот, кој ја освои третата светска титула во САД минатиот месец, ја откажа прес-конференцијата во средата откако добил совети од лекарите да го одложи летот до Бразил, по што се појавија шпекулации дека тој ќе ја „прескокне“ трката.
„Се работи за недоразбирање. Тој доаѓа еден ден подоцна бидејќи докторите му советуваа да се одмори. Тој ќе биде во Бразил веќе в четврток“, вели портпаролот на Мерцедес.