Џенсон Батон повторно го предупреди својот поранешен клупски колега, трикратниот светски шампион Луис Хамилтон да не се занесува со успехот. Хамилтон даде неколку контроверзни коментари по освојувањето на третиот трофеј, вклучувајќи го тоа дека е „комплетен“ возач и дека другите можат да победат само кога тој ќе згреши.
„Луис бргу станува арогантен. Никој од нас не е комплетен возач. Да го имав неговиот болид ќе го победев. Тој е талентиран и врши одлична работа, но има и слабости. Во Формула 1 ни е потребен предизвикувач на Мерцедес. Така ќе се смени сè. Дури и за Луис“, вели Батон.