Првата жена која се натпреварувала во Формула 1 шампионатот, Марија Терезе де Филипис почина на 89 години. Италијанката имаше три Ф1 старта во 1958 година, од кои ја заврши само деби-трката во Спа, каде што беше последна од 10-те возачи. Претходно таа со своето Масерати не успеа да се квалификува на Монако ГП, а замина од спортот по смртта на нејзиниот сопственик на тим Жан Бехра следната година.
Де Филипис влезе во Ф1 како резултат на облог помеѓу нејзините браќа за тоа колку таа може да вози бргу. Откако основаше семејство, Де Филипис се врати во мотоспортот во 1979 година како членка на Ансиен пилотес клубот за пензионирани возачи, каде што во 1997 година беше прогласена за потпретседател.