Трикратниот Формула 1 шампион, Луис Хамилтон смета дека направил доволно за спортот во своите десет години, и не чувствува дека должи нешто и покрај тоа што токму настапите во најелитното авто-мото натпреварување му донесоа заработувачка од десетина милиони евра.
„Тука сум 10 години, ја дадов мојата крв, пот и солзи за спортот. Затоа, не чувствувам дека должам ништо. Јас најверојатно правам најмногу од кој било возач за популаризација за спортот. Не чувствувам дека има дополнителна одговорност“, вели 31-годишниот Британец.