Формула 1 треба да остане конкурентен спорт и не му е потребна трансформација во „шоу“, смета четирикратниот шампион Себастијан Фетел. Возачто на Ферари побара од носителите на одлуки во спортот да осигураат интегритетот на Ф1 да биде заддржан.
Според него, новата хибридна ера го „гуши“ природниот дух на возачите да се тркаат до максимум од стартот до финишот. Тој бара шефовите на спортот да остават можни промени на техничките регулативи за да се осигура конкурентноста да остане најважна.
„Според мене, Формула 1 е спорт. Сфаќам дека за некои е и шоу, но за мене е само спорт. Кога почнав да се тркам најважно ми беше, освен возењето, да се тркам, да се борам со другите деца, да се обидувам да бидам прв, да бидам најбрз. Тоа останува главниот предизвик. Формула 1 секогаш била на врвот на мотоспортот и природно е болидите да бидат најбрзи од другите тркачки машини во текот на светот. Мислам дека тоа го заддржавме. Има работи на кои може да се работи, но јасно е дека не ни требаат радикални промени во иднина“, вели Фетел.
Возачот на Ферари, кој последната титула ја освои во 2013 со Ред Бул, во моментов е четврти во генерален пласман зад двајцата возачи на Мерцедес (Нико Розберг и Луис Хамилтон) и колегата Кими Раиконен.