Луис Хамилтон беше виновен за судирот со колегата од Мерцедес, Нико Розберг на стартот на Шпанското ГП и мора да размисли за менување на стратегијата во првиот круг, смета Сер Џеки Стјуарт.
„Неприфатливо е возачи со толку искуство да имаат несреќи во првиот круг. Тоа не го правеа Хуан Мануел Фанџо, Сер Стирлинг Мос, Џим Кларк... Се надевам дека Луис ја научи лекцијата. Тој реагираше спонтано, но сега мора да размисли што зависи од неговите постапки. Не верувам дека ваква грешка ќе му се случеше на Себастијан Фетел или на Фернандо Алонсо“, додава Стјуарт.