Поранешниот претседател на Ферари, Луѕка ди Монтеѕемоло даде позитивни коментари околу заздравувањето на Михаел Шумахер, откако британскиот весник „Дејли експрес“ тврдеше дека Германецот „реагира“ на медицинскиот третман.
Околу состојбата на Шумахер по сериозната повреда на главата при падот на скијање во декември 2013, нема многу доверливи информации, и неговата приватност во домот во Швајцарија целосно се одржува. Меѓутоа, Ди Монтеѕемоло, кој го донесе Шумахер во Ферари и со кој освоија пет титули едноподруго, вели дека ситуацијата се менува.
„Задоволен сум од тоа што тој реагира. Знам за колку силен човек се работи. Сигурен сум дека поради неговата посветеност ќе излезе од оваа многу тешка ситуација. Навистина се надевам“, изјави Монтеѕемоло.
Според германскиот весник „Билд“, Шумахер во петок ќе ја добие „Нирнбургринг наградата“, именувана по патеката на која Германецот победи пет пати.