За разлика од Хамилтон, Фернандо Алонсо вели дека „уникатната“ трка во Баку ги има сите потребни состојки да донесе драматична трка. Шпанскиот возач на Мекларен претходно ја посетуваше патеката како амбасадор и очекува многу возбуда.
„Едвај чекам првпат да возам на патеката в петок. Како амбасадор на Баку веќе ги познавам сите детали околу новата патека и беше интересно да се види како се работи. Патеката е хибрид на улична патека, со тесни улици и блиско тркање и традиционална патека со големи брзини и доста шанси за претекнување. Ова ќе биде најбрзата улична патека досега“, вели Алонсо.