Луис Хамилтон е на првото место по првиот ден слободни тренинзи за Европското ГП во Азербејџан пред колегата од Мерцедес, Нико Розберг, иако тој во финишот имаше проблеми и застана на патеката
И покрај уште еден 1-2 пласман на Мерцедес, не беше толку лесно за „Сребрената стрела“. Розберг имаше проблеми со болидот на 20 минути пред крајот и „заглави“ во четврта брзина на 20 минути пред крајот на сесијата.
Хамилтон имаше најбрз круг од 1:44.223, за речиси седум десетинки пред Розберг, додека изненадувачки брзи беа во Форс Индија - Серхио Перез беше трет најбрз на повеќе од една секунда зад Хамилтон.
Ферари немаше добра сесија, откако Себастијан Фетел беше само осми со речиси две секунди заостанување, додека Кими Раиконен беше само 13. во вториот црвен болид. Ред Бул исто така беа во проблеми - Даниел Рикијардо беше 10., откако во првата сесија излета од патеката.
Втората сесија во Баку беше под закана за откажување, откако возачите и тимовите не се чувствуваа безбедно на некои шикани на патеката, по што организаторите ги „заварија“ за асфалтот.